CD Besprechung: VIET NAM - Trikont/Hoanzl

De naiche CD vom Söllner Hans aus Bad Reichenhall is lavratutti. Seine Liada san stoak & saggrisch guad, dös kaunst ma glaubn.  Do gibt’s ned den Saich wos oiwei gibt, waun d Hoamat vaschaundld wiad wia im Stadl wai duat do gibt de „SeppDeppmusi“ und beim Söllner do gibt’s  ois ersts  Stückl „A Jeda“.   „An jedan gehd a bissl wos aum oasch vorbei“  heat ma do und teiln soid ma, wos ma so hot. Ned ois ins aigene Taschl einetuan! Ins olle gheat ois! Singt er. Des is a CD mid oide Liadln in an naichn Gwand. Dazua a naiche Stückln. „Landshut“ is a  schlimme Gschicht vom dreckatn Lem in Minga,  mid da Irmgard und dem Kindstod. Owa ois is auf dera Plottn ned  trauri. Da Gsanglmocha is a valiabt – “Reib do a bissl dein Oasch an mia” bitt ea as Deandl und moant “Geh weida”. As Motto owa „So nett ois wia hiaz is’s noch nie gwe’n“ – des gibt’s ned beim Söllner.  Den Finga wos eam da Schandarm in Oasch steckt, zwickt ea o und dem Richta dea eam eikastln wü, dem droht ea eam an Riesenhaufn  vua sei Haus zan  scheißn.  Musikalisch begleit wiad ois vom Stefan Hofer, Stefan Brodte, Stefan Zapf, Manfred Puchner, Denis Rieger und Peter Pichler. Sauguade Spülleit san’s , de Buam vo BAYAMAN’S SISSDEM. Oisdaun – Buam&Madln hoits aich den Hans Söllner  füas Hirn, de Ohrn und damit’s es weida fia a ondere Wöd sad’s oda werd’s!

Preissisch ko er scho a, dea Hans Söllner. Sei Motto: „Ich liebe dieses Land und meine Heimat, ich liebe diese Welt und die darauf lebenden und seienden Menschen  und Lebewesen in all ihren Farben und Sprachen und Gerüchen. Ich erkenne die Vielfalt an, und alle Gewalttätigkeiten, Schmerzen und Ängste  sind ein Geschwür unserer nicht mehr im Einklang mit der Natur lebenden Gesellschaft.“

In echt kaunst den Söllner Hans im Preisslaund  mid
"Viet Nam" Tour mit Bayaman'Sissdem
hean am
24.12.07 München / Muffathalle

Tickets unter www.muenchenticket.de

2008  Tour mid
"Viet Nam" Tour mit Bayaman'Sissdem
31.03.08 D - 22765 Hamburg / Fabrik
03.04.08 D - 50735 Köln / Kantine
06.04.08 D - 10435 Berlin / Postbahnhof
08.04.08 D - 63739 Aschaffenburg / Colos-Saal
13.04.08 D - 86916 Kaufering / Kulturarena
26.04.08 D - 86732 Oettingen / Dreifachturnhalle

SOMMER 2008
06.06.08 D - 07545 Gera / Sommernachtstraum im Park
10.07.08 D - 94032 Passau / Eulenspiegel Festival
25.07.08 D - Burglengenfeld / Piazza
26.07.08 D - Nürnberg / Serenadenhof
27.07.08 D - 84489 Burghausen / Zeltfestival

Quelle: Dieter Braeg